Дүниежүзілік СПИД-ке қарсы күрес күні 2024 жыл
Құқықтарыңызды қорғау жолында жүріңіздер: менің денсаулығым — менің құқығым!
ДДҰ: «Әр адамның құқығы қорғалса, әлем ЖИТС-ті жоя алады. Егер адам құқықтарына басымдық берілсе және қауымдастықтар жетекшілік етсе, 2030 жылға қарай әлем СПИД-ті қоғамдық денсаулыққа қауіп төндіретін ауру ретінде жоя алады.
2023 жылы әлемде АИТВ-мен өмір сүретін шамамен 39,9 миллион адам болды. 2023 жылы АИТВ-мен байланысты себептерден шамамен 630 000 адам қайтыс болды және 1,3 миллион адам АИТВ жұқтырған.
Денсаулық ― адамның құқығы.
Әрбір адам қажетті жерде және қажетті уақытта қажетті медициналық қызметтерге, соның ішінде АИТВ-ның алдын алу, емдеу және күтім көрсету қызметтеріне қол жеткізуі керек. Денсаулыққа деген құқықты қорғау дегеніміз, медициналық көмек АИТВ статусына, шыққан тегіне, жынысына немесе тұрғылықты жеріне қарамастан әрбір адамға ешқандай кемсітушіліксіз қолжетімді болуы керек дегенді білдіреді.
Алдын алу құқықтарды күшейтеді және қорғайды
Адамдарды АИТВ-ның алдын алу құралдарына, біліміне және қызметтеріне қолжетімділігін қамтамасыз ету олардың денсаулығын ғана емес, құқықтарын да қорғайды. Алдын алудың тең қолжетімділігі жаңа инфекцияларды тоқтатудың ең маңызды факторы болып табылады.
Стигматизациямен және кемсітушілікпен күресу
Стигматизация мен кемсітушілік СПИД-ке қарсы әрекеттің тиімділігін төмендетеді. Адам құқықтарын қорғау АИТВ-ға қарсы көмекті жаппай қамтуға қол жеткізу және қолжетімділік кедергілерін еңсеру үшін маңызды».
09.12.2024
Қаралым саны: 162
