АИТВ-ның (ВИЧ) белгілері мен симптомдары инфекцияның сатысына байланысты өзгеріп отырады.
Вирустың АИТВ жұқтырған адамнан басқаларға берілу ықтималдығы инфекция жұққаннан кейінгі алғашқы айларда жоғары болады, алайда мұндай адамдардың көбі өз мәртебесі туралы тек кейінгі сатыларда ғана біледі. Жұқтырғаннан кейінгі алғашқы апталарда инфекция симптомсыз өтуі мүмкін. Кейбір жұқтырған адамдарда ол тұмауға ұқсас келесі симптомдармен байқалады:
- дене қызуының көтерілуі;
- бас ауруы;
- бөртпе;
- тамақтың ауруы.
Инфекция біртіндеп иммундық жүйені әлсіретеді. Бұл басқа да белгілер мен симптомдардың пайда болуына әкелуі мүмкін:
- лимфаденопатия (лимфа түйіндерінің ісінуі);
- салмақ тастау;
- дене қызуының көтерілуі;
- диарея;
- жөтел.
Ем қабылданбаған жағдайда, АИТВ жұқтырған адамдарда ауыр аурулар дамуы мүмкін, атап айтқанда:
- туберкулез;
- криптококкты менингит;
- ауыр бактериялық инфекциялар;
- онкологиялық аурулар, соның ішінде лимфомалар және Капоши саркомасы.
АИТВ басқа инфекциялардың, соның ішінде В және С гепатиттері мен маймыл шешегінің өтуін қиындатуы мүмкін.
